پسوڑی گانےکی گلوکارہ شائےگل اور عاطف اسلم کا نیاگانا سنیے

image

امریکی سفارت خانے کے یوٹیوب چینل نے بدھ کے روز سپر اسٹار عاطف اسلم اور کوک اسٹوڈیو کے پسوڑی سے مشہور شائے گل کے گانے کا ایک ٹیزر پوسٹ کیا جس نے مداحوں کو پرجوش کردیا۔

گزشتہ روز ٹوئٹر پر عاطف اسلم ٹاپ ٹرینڈ بنے جس کی وجہ یہ تھی کہ امریکی سفارت خانے کی کی جانب سے عاطف اسلم اور شائے گل کے گانے کا ٹیزر جاری کیا گیا تھا ۔

عاطف اسلم اور شائے گل کا کوویڈ ویکسینیشن کو فروغ دینے والا گانا ’منزل‘ 14 مئی کو شام 6 بجے ریلیز کیا جائے گا جبکہ گانے کی ویڈیو میں اداکارہ ثروت گیلانی بھی نظر آئینگی ۔

گانے میں محمد حنیف نے بطور نغمہ نگار اور شمشیر رانا، ورقہ فرید، نمرہ گیلانی اور علی ہمدانی بطور پروڈیوسر اور کمپوزر کام کیا ہے۔

امریکی سفارت خانے نے پاکستانی فلم ڈائریکٹر سرمد کھوسٹ کے ساتھ مل کر یہ گانا تیار کیا تاکہ کووڈ 19 کی ویکسینیشن اور بوسٹر شاٹس کو فروغ کیا جا سکے۔

خیال رہے کہ ٹیزر کو دیکھ کر زیادہ تر سوشل میڈیا صارفین پُرجوش ہوگئے ہیں اور اُن کی اکثریت عاطف اسلم اور شائے گل کے گانے کو سننے کیلئے بہت زیادہ خوش ہے۔


News Source   News Source Text

مزید خبریں
آرٹ اور انٹرٹینمنٹ
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.