درخت ماحول دوست جاندار ہیں جن کا ہونا ہمارے لئے سب سے زیادہ ضروری ہے۔ لیکن حال ہی میں ٹک ٹاکر ڈولی نے ایک ایسی ویڈیو بنا کر اپ لوڈ کی جس میں انہوں نے مارگلہ کی پہاڑیوں کو ہی آگ لگا ڈالی۔
جب سے یہ ویڈیو وائرل ہوئی ہر جگہ ڈولی کے چرچے عام ہوگئے کہ آخر یہ ڈولی ہے کون؟
ڈولی دراصل ایک مشہور ٹک ٹاکر ہیں اور ایک میک اپ آرٹسٹ بھی ہیں۔ جن کا اپنا ایک بیوٹی پارلر بھی ہے۔ ڈولی 16 اگست 1994 کو لاہور میں پیدا ہوئیں۔ انہوں نے لاک ڈاؤن کے دور میں اپنے بیوٹی سیلون سے میک اپ اور ہیئر سٹائلنگ کی ویڈیوز بنا کر شیئر کرنی شروع کیں جس سے ان کی مقبولیت میں جلد ہی اضافہ ہوگیا۔ ٹک ٹاک پر ان کا اکاؤنٹ ’ڈولی فیشن‘ کے نام سے موجود ہے جہاں ان کو 11 اعشاریہ 5 ملین صارفین نے فالو کیا ہوا ہے۔
انسٹاگرام پر ڈولی کے 4 لاکھ 75 ہزار فالوورز ہیں۔ یہ ایک ماڈل بھی ہیں۔ یہ کئی معروف کپڑوں کے برانڈ کی ماڈلنگ بھی کر چکی ہیں اور لوگوں کو اپنے بیوٹی پراڈکٹس بیچتی بھی رہتی ہیں۔
مارگلہ کی پہاڑیوں پر آگ لگانے والی اس ویڈیو کے کیپشن میں ڈولی نے لکھا کہ جہاں جاتی ہوں آگ لگ جاتی ہے جس پر سوشل میڈیا صارفین نے ان کو خوب آڑے ہاتھوں لیا۔
ٹک ٹاک کے ترجمان کا کہنا ہے کہ خطرناک اور غیرقانونی رویے کو فروغ دینے والا مواد ہماری کمیونٹی گائیڈ لائنز کی خلاف ورزی ہے، ہمارے پلیٹ فارم پر ایسے مواد کی کوئی جگہ نہیں۔
اس ویڈیو کے خلاف جلد مثبت اقدامات اٹھائے جائیں گے۔