دعا کریں عمران خان کی گرفتاری کی اجازت مل جائے، رانا ثنااللہ

image

وزیر داخلہ رانا ثناءاللہ نے کہا ہے کہ میری خواہش ہے عمران خان کو اسی سیل میں رکھا جائے جہاں مجھے رکھا گیا تھا، آپ دعا کریں عمران خان کی گرفتاری کی اجازت مل جائے۔

لاہور میں میڈیا سے گفتگو کرتے ہوئے انہوں نے کہا کہ اگر عمران خان کو تین دن جیل میں رکھا جائے تو اسکی سیاست نکل آئے گی تاہم اس قسم کے فیصلے اتحادی جماعتوں کے سربراہوں کے بغیر نہیں کیے جاسکتے۔

رانا ثنااللہ نے کہا کہ ہم جتنا زور لگارہے ہیں وہ کم ہے اور ادارے جتنی مدد کررہے ہیں وہ کم ہے۔ شیریں مزاری کی گرفتاری میں حکومت کا یا کسی اور کا کوئی عمل دخل نہیں۔

انہوں نے کہا کہ میں یہ نہیں کہتا ادارے ہمارے ساتھ نہیں ہیں، ادارے ہمارے ساتھ ہونے بھی نہیں چاہئیں، ملک کو اس دور سے نکالنے کیلئے زیادہ زور لگانے کی ضرورت ہے۔

وزیر داخلہ نے کہا کہ چودھری پرویز الہیٰ کے خلاف عدم اعتماد پیش ہو چکی ہے، پرویز الہیٰ کو عدم اعتماد پر ووٹنگ کرائے بغیر اجلاس کی صدارت نہیں کرنی چاہئے۔

ان کا کہنا تھا کہ اگر وزیراعلیٰ کا الیکشن دوبارہ ہوا تو حمزہ شہباز سادہ اکثریت سے جیت جائیں گے۔

رہنما مسلم لیگ ن نے کہا کہ محکمہ اینٹی کرپشن کو اس سال مارچ میں 2 شکایات موصول ہوئیں ،اراضی کے انتقال کی شکایات شیریں مزاری سے متعلق تھیں،ان شکایات پر شیریں مزاری کیخلاف انکوائری ہوئی اور مقدمہ درج ہوا جس پر عدالت نے وارنٹ جاری کیا اور انہیں گرفتار کیا گیا۔

انہوں نے کہا کہ اس معاملے میں حکومت کا کوئی عمل دخل نہیں تھا۔

مزید کہا کہ آصف زرداری کچھ امور پر صلاح مشورے کیلئے وزیراعظم کے پاس آئے تھے، ہمارے سامنے بھی دونوں رہنماؤں کی بات چیت ہوئی ،آصف زرداری اور ہم چاہتے ہیں حکومت اپنی آئینی مدت پوری کرے۔


News Source   News Source Text

WATCH LIVE NEWS

مزید خبریں
تازہ ترین خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.