آئی پی ایل: 6.02 ارب ڈالر میں نشریاتی حقوق کی فروخت، تمام سابقہ ریکارڈ ٹوٹ گئے

دنیا کے سب سے مہنگے کرکٹ مقابلے انڈین پریمیئر لیگ (آئی پی ایل) کی ٹی وی نشریات اور آن لائن سٹریمنگ کے حقوق ریکارڈ 6.02 ارب ڈالر میں فروخت ہوئے ہیں۔
آئی پی ایل
AFP

دنیا کے سب سے مہنگے کرکٹ مقابلے انڈین پریمیئر لیگ (آئی پی ایل) کی ٹی وی نشریات اور آن لائن سٹریمنگ کے حقوق ریکارڈ 6.02 ارب ڈالر میں فروخت ہوئے ہیں۔

انڈین ارب پتی موکیش امبانی کے حمایت یافتہ ’وائے کام 18‘ ادارے نے آن لائن سٹریمنگ کے حقوق 3.05 ارب ڈالر میں حاصل کیے۔ جبکہ سٹار انڈیا، جس کی مالک کمپنی ڈزنی ہے، نے آئندہ پانچ برسوں کے لیے 3.05 ارب ڈالر میں ٹی وی رائٹس حاصل کیے ہیں۔

گذشتہ پانچ برسوں کے دوران آئی پی ایل کی نشریات کے حقوق سٹار انڈیا کے پاس تھے۔ اس نے یہ حقوق 2.4 ارب ڈالر میں حاصل کیے تھے تاہم اس بار نشریات کے یہ دونوں معاہدے اس سے دگنی رقم میں طے پائے ہیں۔

ان اعداد و شمار کے بعد آئی پی ایل کا شمار اب کھیلوں کے ان مقابلوں میں ہو گا جن میں ہر میچ کی قیمت سب سے زیادہ ہے۔ ان میں امریکہ کی نیشنل فٹبال لیگ بھی شامل ہے۔

آئی پی ایل کے نشریاتی حقوق جیتنے والی بولی کے تحت فی میچ یہ قیمت 73.6 لاکھ ڈالر بنتی ہے۔ اس دوران آئی پی ایل کے 410 میچز دکھائے جائیں گے۔

ڈیجیٹل سٹریمنگ رائٹس بھی سال 2023 سے 2027 تک کے دورانیے کے لیے فروخت کیے گئے ہیں جس کے مطابق ایک میچ دکھانے کی قیمت 64 لاکھ بنتی ہے۔

انڈین کرکٹ بورڈ بی سی سی آئی کے سیکریٹری جے شاہ کا کہنا ہے کہ آئی پی ایل کی آمدن کو ملک میں کرکٹ کے فروغ کے لیے استعمال کیا جاتا ہے جس سے انفراسٹرکچر کی بہتری اور سہولیات میں اضافے کی امداد کی جاتی ہے۔

آئی پی ایل
Getty Images

وہ کہتے ہیں کہ ’اب وقت آ گیا ہے کہ ریاستی ایسوسی ایشنز اور آئی پی ایل ٹیمیں ایک ساتھ کام کریں اور یہ یقینی بنائیں کہ ہمارے سب سے بڑے سٹیک ہولڈر یعنی کرکٹ فین کا خیال رکھا جائے۔‘

یہ بھی پڑھیے

پی ایس ایل کے غیرملکی کرکٹرز جو آئی پی ایل میں سونے کے بھاؤ بِکے

’راولپنڈی ایکسپریس‘ کی جگہ اب ’کشمیر ایکسپریس‘ کا دور آنے والا ہے!

'سینیئر کھلاڑی نشے میں دھت تھا جب اس نے مجھے15ویں منزل کی کھڑکی سے باہر لٹکا دیا'

آئی پی ایل دنیا میں سب سے زیادہ دیکھی جانے والی کھیلوں کی تقریب ہے جس میں بہترین کھلاڑیوں کو اچھے معاوضے دیے جاتے ہیں۔ کرکٹ کی معروف نیوز ویب سائٹ ’کرک انفو‘ کے مطابق کھیلوں کے مقابلوں میں فی میچ رقم کے اعتبار سے یہ دوسرے نمبر پر سب سے مہنگے نشریاتی حقوق ہیں اور پہلے نمبر پر این ایف ایل ہے۔

انڈیا میں گذشتہ چند برسوں میں متاثر کُن شرح سے انٹرنیٹ کی رسائی میں اضافہ کی وجہ آئی پی ایل کی نشراتی حقوق میں سے سب سے زیادہ ڈیجیٹل نشر کے حقوق میں لاگت کا اضافہ ہوا ہے۔


News Source   News Source Text

مزید خبریں
کھیلوں کی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.