ای سی سی: درآمدی یوریا کی فی بوری قیمت 2150 مقرر، ڈیلر مارجن 50روپے کردیا گیا

image

اسلام آباد: وفاقی کابینہ کی اقتصادی رابطہ کمیٹی نے درآمدی یوریا کی فی بوری قیمت 2150 روپے مقرر کردی، نئی قیمت کا اطلاق 26 اگست سے ہو گا۔

ہم نیوز نے وفاقی وزیر خزانہ مفتاح اسماعیل کی زیر صدارت منعقدہ کابینہ کی اقتصادی رابطہ کمیٹی کے اجلاس کے جاری کردہ اعلامیے کے حوالے سے بتایا ہے کہ یوریا کی فی بوری پر ڈیلر مارجن بھی 50 روپے کردیا گیا ہے۔

ای سی سی نے منعقدہ اجلاس میں پی ایس او کے لیے 50 ارب روپے فوری قرض کی سہولت کی منظوری دی، وزارت خزانہ نے مالی سال کی پہلی سہ ماہی میں پی ایس او کو 105 ارب روپے کی گارنٹی حد مقرر کی ہے۔

جار کردہ اعلامیے کے تحت ای سی سی نے پی آئی اے کے لیے 14 کروڑ 20 لاکھ روپے کی مالی سہولت کی منظوری دی۔ اجلاس میں طے کیا گیا کہ روز ویلٹ ہوٹل اور نیشنل بینک کے درمیان مالی سہولت کا معاہدہ ہو گا۔

ہم نیوز کے مطابق وفاقی وزیر خزانہ مفتاح اسماعیل کی زیر صدارت منعقدہ اجلا س میں سابق وزیراعظم شاہد خاقان عباسی ، وفاقی وزیر خرم دستگیر اور وفاقی وزیر مملکت ڈاکٹر سینیٹر مصدق ملک سمیت دیگر نے شرکت کی۔


News Source   News Source Text

مزید خبریں
پاکستان کی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.