ڈیوٹی اور ٹیکس فری گاڑیاں منگوانے کا ایس آر او جاری نہیں کیا، ایف بی آر

image
پاکستان کے فیڈرل بورڈ آف ریونیو(ایف بی آر) نے ڈیوٹی اور ٹیکس فری بلٹ پروف گاڑیاں منگوانے کی اجازت سے متعلق ایس آر او جاری کرنے کی تردید کی ہے۔

سنیچر کو ایف بی آر کے ترجمان نے جاری بیان میں کہا کہ چند میڈیا اداروں نے ڈیوٹی اورٹیکس فری بلٹ پروف گاڑیاں منگوانے کی اجازت سے متعلق ایس آر او جاری کرنے کے حوالے سے خبریں چلائی ہیں جو حقائق پر مبنی نہیں ہیں۔

بیان کے مطابق وفاقی کابینہ نے سنہ 2019 میں اس سہولت سے متعلق فیصلے کی منظوری دی تھی تاہم اس حوالے سے ابھی تک کوئی نوٹیفکیشن جاری نہیں ہوا۔

FBR categorically denies reports appearing in some sections of media that it has issued an SRO allowing taxes and duty free import of bullet proof vehicles. The Federal Cabinet had allowed such facility in 2019 but no notification to this effect has been issued so far.

— FBR (@FBRSpokesperson) September 24, 2022

خیال رہے کہ مقامی میڈیا پر چلنے والی خبروں میں کہا گیا تھا کہ وفاقی کابینہ نے مسلح افواج کے تھری اور فور سٹار افسران کو ریٹائرمنٹ پر 6000 سی سی تک کی بلٹ پروف گاڑیاں بغیر ٹیکس اور کسٹم ڈیوٹی کے درآمد کرنے کی اجازت دی ہے۔

مقامی میڈیا نے ایف بی آر کی جانب سے جاری نوٹیفکیشن کا حوالہ دیتے ہوئے کہا تھا کہ وزارت دفاع کی سفارش پر لیفٹیننٹ جنرلز، آرمی چیف، چیئرمین جوائنٹ چیف آف سٹاف کمیٹی اور سروسز چیف ریٹائرمنٹ کے وقت ڈیوٹی اور ٹیکسوں کے بغیر بلٹ پروف گاڑیاں منگوا سکیں گے۔


News Source   News Source Text

مزید خبریں
پاکستان کی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.