گزشتہ شب ملتان سلطانز اور لاہور قلندرز کے درمیان کھیلے جانے والے میچ کے دوران حارث رؤف اور احسان اللہ کے درمیان کافی گرما گرمی والی صورتحال رہی۔ ویڈیو دیکھیں۔
میچ میں ملتان سلطانز چھائے رہے جبکہ حارث رؤف نے احسان اللہ کے خلاف چوکے اور چھکے مارے جس پر احسان اللہ نے تھوڑے غصے کا اظہار بھی کیا۔ دونوں کے درمیان تلخ کلامی کے مناظر بھی دیکھنے میں آئے لیکن حارث کے آؤٹ ہوتے ہی احسان اللہ بھاگتے ہوئے ان کے پاس گئے اور دونوں ایک دوسرے کے گلے لگ گئے۔
دوسری طرف حارث رؤف کی ایسی تصویر وائرل ہوئی جس میں وہ شدت جذبات سے روتے ہوئے دکھائی دے رہے ہیں۔ پاکستان سپر لیگ کے ٹوئٹر اکاؤنٹ کی جانب سے وہ تصویر “خوشی کے آنسو“کیپشن کے ساتھ شئیر کی گئی۔ تصویر میں حارث کو چہرے پر ہاتھ رکھے رائیلی روسو کی جانب دیکھتے ہوئے دیکھا جاسکتا ہے۔