کراچی میں ڈاکس تھانے کی حدود فشری مارکیٹ کے اندر آپسی جھگڑے کے دوران شدید فائرنگ کے نتیجے میں 50 سالہ زیب الحسن ولد شیرزاد جاں بحق، جبکہ گلزار، خورشید انور، امان اللہ، نوشیروان اور سہیل خان نامی 5 افراد زخمی ہوگئے۔
واقعے کے فوری بعد جاں بحق شخص اور تمام زخمیوں کو طبی امداد کے لیے سول اسپتال منتقل کر دیا گیا۔
پولیس کا کہنا ہے کہ ابتدائی معلومات کے مطابق واقعہ ذاتی تنازع کا نتیجہ ہے اور فائرنگ کے ذمہ داروں کی نشاندہی کے لیے تحقیقات کا آغاز کردیا گیا ہے۔