ایشیا کپ 2023 کی میزبانی کے حوالے سے بھارتی میڈیا کا دعویٰ ہے کہ پاکستان کے بجائے سری لنکا کو دی جاسکتی ہے ۔ بھارتی میڈیا کے مطابق انڈیا اپنی کرکٹ ٹیم پاکستان اور یو اے ای نہیں بھیج سکتا۔
بھارتی میڈیا کے مطابق ستمبر میں متحدہ عرب امارات کا موسم انتہائی گرم رہتا ہے اس لئے سری لنکا ایک موزوں انتخاب ہوسکتا ہے۔
واضح رہے کہ کچھ عرصہ پہلے ہونے والے ایشین کرکٹ کونسل (اے سی سی) اجلاس میں اومان نے بھی ایشیا کپ کی میزبانی کرنے کی خواہش کا اظہار کیا البتہ بھارتی میڈیا نے ایشیاء کپ کی میزبانی کے لئے سری لنکا کے لئے پسندیدگی ظاہر کی ہے۔
واضح رہے کہ پی سی اس حوالے سے بیان دے چکا ہے کہ ایشیا کپ کی میزبانی پاکستان ہی کرے گا۔ ایشیاء کپ کی میزبانی کے حوالے سے حتمی فیصلہ اس ماہ کیا جائے گا۔