لاکھوں کروڑوں دلوں پر راج کرنے والے پاکستان کرکٹ ٹیم کے کپتان بابر اعظم ان دنوں فی الحال نیشنل اور انٹرنیشنل لیول پر کرکٹ سے دور ہیں، جبکہ ان کے مداح انہیں فیلڈ میں دیکھنے کیلیئے بے تاب ہیں۔
دراصل ان دنوں کرکٹ سے دور بابر اعظم اپنی فٹنس پر بھرپور توجہ دے رہے ہیں۔ کیونکہ کسی بھی کھلاڑی کے لیے فٹنس سب سے اہم ہوتی ہے اور کپتان بھی اس بات سے باخوبی واقف ہیں۔
اس حوالے سے بابر اعظم نے اپنے مداحوں کے لیئے اپنی مصروفیات کی تصاویر سوشل میڈیا اکاؤنٹس پر پوسٹ کی ہیں۔
ان تصاویر میں دیکھا جاسکتا ہے کہ کپتان اپنی فٹنس کو برقرار رکھنے کیلیئے جِم میں ٹریننگ کر رہے ہیں۔ جبکہ دوسری جانب ان کے مداح انہیں دیکھ کر خوشی کا اظہار کر رہے ہیں اور جلد انہیں کرکٹ کے میدان میں بیٹنگ کرتا دیکھنے کے لیے بے چینی سے انتظار کر رہے ہیں۔