کرکٹ ورلڈکپ 2023 میں پاکستان اور بھارت کے میچ سے پہلے ہوٹلوں اور ایئرلائنز نے کرایوں میں کئی گنا اضافہ کردیا ہے۔
پاک بھارت میچ میں ابھی تین ہفتے باقی ہیں اور ٹکٹس اور ہوٹل کے کرایوں میں مزید اضافہ متوقع ہے، ڈیمانڈ بڑھنے کی وجہ سے ہوٹل کے ایک کمرے کا 80 ہزار روپے تک مانگا جا رہا ہے۔پاک بھارت میچ دیکھنے کیلئے بھارت کے کسی بھی کونے سے احمد آباد جانے کے فضائی ٹکٹس کی قیمت میں اضافہ ہو گیا ہے۔
بھارت کے مختلف شہروں سے احمد آباد کا ٹکٹ 5 سے 12 ہزار روپے میں دستیاب ہوتا ہے جبکہ میچ کی وجہ سے ٹکٹس میں 104 سے 415 فیصد تک اضافہ ہو چکا ہے۔ہوٹل میں کمروں کا حصول تقریباً نا ممکن ہو گیا ہے، جہاز کے کرایوں میں 415 فیصد تک اضافہ ہو گیا ہے۔
ہوٹل کے کمروں کا کرایہ اور فضائی ٹکٹس کی مانگ 13 اور 16 اکتوبر کے درمیان بڑھی ہے، ٹریول آپریٹرز نے ائیر لائنز سے فلائٹس میں اضافے کا مطالبہ کیا ہے۔
ورلڈکپ کا آغاز 5 اکتوبر سے بھارت میں ہونے جا رہا ہے اور پاکستان اور بھارت کے درمیان میچ احمد آباد میں 14 اکتوبر کو شیڈول ہے جس کیلئے دونوں ممالک کے شائقین کرکٹ میں بہت جوش و خروش پایا جاتا ہے۔