پاک فوج کے ریٹائرڈ لیفٹیننٹ کرنل اکبر حسین کو فوجی اہلکاروں کو بغاوت پر اکسانے کے الزام میں 14 سال قید بامشقت کی سزا سنا دی گئی۔
آئی ایس پی آر کے مطابق لیفٹیننٹ کرنل ( ر) اکبرحسین کو پاکستان آرمی ایکٹ 1952 کے تحت فیلڈ جنرل کورٹ مارشل کے ذریعے سزا سنا دی گئی۔
آئی ایس پی آر کا کہنا ہے کہ جرم ثابت ہونے پر 14 سال قید کی سزا سنائی گئی، اکبر حسین کا رینک 26 جولائی سے ضبط کر لیا گیا ہے۔
پنجاب پولیس کےکرپٹ افسران اور اہلکاروں کا اسپیشل کورٹ مارشل کرنے کا فیصلہ
آئی ایس پی آر نے بتایا کہ کچھ عرصہ قبل میجرریٹائرڈ عادل راجہ اور کیپٹن ریٹائرڈ حیدر رضا مہدی کا بھی کورٹ مارشل کرکے قید اور عہدہ ضبط کرنے کی سزا سنائی گئی تھی۔
یاد رہے کہ ایک رپورٹ میں بتایا گیا تھا کہ بیرون ملک موجود سازشی و انتشاری ٹولے کا ایک اور اہم کارندہ بے نقاب ہو گیا ہے۔