اسلام آباد: ملائیشین وزیر اعظم انور ابراہیم نے کہا ہے کہ حلال گوشت کی درآمد کے حوالے سے پاکستان ہماری ترجیح ہے۔
ملائیشین وزیر اعظم انور ابراہیم نے تقریب سے خطاب کرتے ہوئے کہا کہ قائداعظم کے فرمودات کا اپنی تقاریر میں حوالہ دیا ہے۔ قائداعظم کا 1947 میں قانون ساز اسمبلی سے خطاب تاریخی تھا۔
انہوں نے کہا کہ راولپنڈی اور پاکستان کے بعض شہروں سے حسین یادیں جڑی ہیں جبکہ حلال گوشت کی درآمد کے حوالے سے پاکستان ہماری ترجیح ہے۔ باسمتی چاول کے حوالے سے بھی وزیر اعظم شہباز شریف سے بات ہوئی ہے۔
یہ بھی پڑھیں: بلاول بھٹو نانا کے آئین کو آگ لگانے جا رہے ہیں ، شاہ محمود قریشی
انور ابراہیم نے کہا کہ ملائیشیا آئی ٹی کا مرکز ہے اور آسیان ممالک میں شعبے میں زیادہ سرمایہ کاری ہو رہی ہے۔ شہباز شریف سے ہنرمند افرادی قوت سے متعلق امور پر بات کی۔ پاکستانی سیاح کو ملائیشیا میں خوش آمدید کہیں گے۔ سیاحوں کی آمدورفت سے معاشی سرگرمیاں فروغ پائیں گی۔
فلسطین کے معاملے پر بات کرتے ہوئے انہوں نے کہا کہ مغربی کنارے، غزہ اور لبنان میں اسرائیلی جارحیت کی مذمت کرتے ہیں۔ مشرق وسطیٰ میں انسانی حقوق کا لحاظ نظر انداز کیا جا رہا ہے۔