احمد شہزاد ایک پاکستانی کرکٹ اسٹار ہیں۔ وہ کچھ عرصے سے قومی ٹیم میں نہیں کھیل رہے ہیں لیکن ہم انہیں بہت سی لیگز میں دیکھتے ہیں اور وہ مختلف شوز اور یوٹیوب پر بھی نظر آتے ہیں، جہاں وہ میچز اور پرفارمنس کا تجزیہ کرتے ہیں۔
احمد شہزاد ہمیشہ سے بہت زیادہ بولتے رہے ہیں اور انہوں نے اس کے نتائج بھی بھگتے ہیں۔ شاہد آفریدی کے بارے میں ان کی مبینہ جانبداری سے لے کر اب بابر اعظم پر تنقید تک، وہ اپنی رائے کے بارے میں کھل کر سامنے آئے ہیں۔
حال ہی میں انہوں نے احمد علی بٹ کے پوڈ کاسٹ میں شرکت کی اور بتایا کہ کس طرح ان کی خوبصورتی ان کے لیے ایک مسئلہ بن گئی۔
احمد شہزاد نے کہا کہ، اچھا لگنا آپ کو نقصان میں ڈالتا ہے۔ اگر آپ کو مواقع ملنا شروع ہو جائیں یا آپ کے مداحوں کی تعداد میں اضافہ ہو جائے تو آپ کے بہت سے ساتھی جلن محسوس کرتے ہیں۔ اس طرح میرے لُکس نے حقیقت میں میری مدد نہیں کی۔
انہوں نے مزید کہا کہ، میں صرف ایک عام آدمی تھا اور چھوٹی جگہ سے آیا تھا، لیکن جب مجھے پاکستان کی طرف سے کھیلنے کا موقع ملا تو میں نے خود پر کام کیا ہے اور اچھے دکھنے کی کوشش کی کیونکہ دنیا بھر کے لوگ آپ کو پاکستان کی نمائندگی کرتے دیکھتے ہیں۔