سابق وکٹ کیپر اور بلے باز عمر اکمل جو پاکستانی کرکٹ کا بڑا نام تھے، لیکن انکا کرئیر تنازعات سے بھرا ہوا تھا، نے اپنے بیٹے سے متعلق ایک اہم بیان دیا ہے۔
قومی ٹیم کے سابق وکٹ کیپر بیٹرعمراکمل نے انکشاف کیا ہے کہ وہ نہیں چاہتے ہیں کہ انکا بیٹا کرکٹر بنے کیونکہ ماضی میں میرے خاندان نے ناانصافیوں کا سامنا کیا ہے۔
ایک ویڈیو میں مڈل آرڈر بیٹرعمراکمل کے بیٹے کو نیٹ میں پریکٹس سیشن کرتے ہوئے دیکھا جاسکتا ہے کہ جو اپنے والد کی طرح کرکٹ میں انکے نقش قدم پر چلنے کی خواہش رکھتا ہے۔
سابق وکٹ کیپر نے اپنے بیٹے کی کرکٹر بننے کی خواہش کے باوجود خاندان کیساتھ ہوئی ناانصافیوں پر بیٹے کی حوصلہ شکنی پر مجبور ہیں۔
انہوں نے کہا کہ وہ میرا بیٹا ہے اور وہ کرکٹ کا بہت شوقین ہے لیکن اگر میں اپنی ایماندارانہ رائے بتاؤں، میں نہیں چاہتا کہ وہ کرکٹ کھیلے۔