گرمی میں اے سی کا استعمال حد سے زیادہ بڑھ جاتا ہے اس کے ساتھ ہی ساتھ اے سی سے ڈھیر سارا پانی بھی نکلتا رہتا ہے جس کو بالٹیوں اور گیلن میں بھر بھر کر رکھنا بھی دشوار ہو جاتا ہے ۔ جب آپ کے اے سی سے پانی نکلتا ہے تو یقیناً آپ اس کو پھینک دیتے ہوں گے۔ لیکن آج ہم آپ کو اس پانی کے استعمال کے 7 طریقے بتا رہے ہیں جو آپ کے بھی کام آئیں گے۔
اے سی سے نکلنے والا پانی:
اس سے نکلنے والا پانی پودوں کی نشوونما کے لیے بہترین ہوتا ہے ۔ اس کو پودوں میں ڈال دیں نمی بھی ملے گی اور جڑیں بھی مضبوط ہوں گی۔
اس پانی میں پھٹکری ڈال کر اس میں میلے کپڑے بھگو دیں چونکہ یہ بخارات والا پانی ہوتا ہے اس لئے کپڑوں کی میل کچیل کو اپنی اندر جذب کرکے جلد صاف کرنے میں مفید ہوگا۔
اس پانی کو جمع کرکے آپ فلٹریشن کے ذریعے صاف کرکے بیچ بھی سکتے ہیں لیکن فلٹر کا عمل کلورینیشن کے ذریعے کیا جائے تو بہتر ہوگا۔
اس پانی سے دیواروں کو بھی صاف کیا جا سکتا ہے یا پھر پنکھوں کی صفائی کے لئے کام میں لایا جا سکتا ہے۔
ایسی جگہیں جہاں زنگ لگ گیا ہو اور وہ صاف ہونے کا کام نہ لیں تو ان کو بھی اے سی کے اس پانی سے صاف کیا جا سکتا ہے۔