پلاؤ کوئی بھی ہو بچے بڑے سب ہی مزے لے کر کھاتے ہیں تو آج بنائیں مزیدار سی اچاری چنا پلاؤ وہ بھی بڑی آسانی سے!
طریقہ:
٭ سب سے پہلے حسبِ ضرورت چاول اور چنے آپ دو سے تین گھنٹے کے لئے بھگو دیں۔ پھر چنے ابالنے کے لئے ایک پریشر کوکر میں ڈالیں اور ساتھ میں تیز
پتہ، بادیان کے پھول اور دار چینی ڈال کر ڈھکن بند کردیں۔
٭ ایک کڑاہی میں پیاز براؤن کرلیں، اس میں ٹماٹر، ہری مرچیں، ہلدی، دھنیا پاؤڈر، پسی لال مرچ پاؤڈر، کالی مرچ پاؤڈر، گرم مصالحہ، ادرک لہسن کا پیسٹ ڈال کر مصالحہ بھون لیں۔ اور اس میں ابلے ہوئے چنے ساتھ میں اچار اور ایک سے دو کپ پانی ڈال کر دس منٹ کے لئے چھوڑ دیں، پھر اس میں بھیگے ہوئے چاول ڈال کر چمچ چلائیں اور بیس منٹ پکانے کے بعد دم دے دیں۔
٭ لیجئیے تیار ہے آپ کی اسپیشل اچاری چنا پلاؤ!
ضروری ٹپس:
٭ چاول کی مقدار کو دیکھ کر پانی ڈالیں، زیادہ بھیگے چاول میں کم پانی استعمال کریں۔
٭ اچار آپ اپنی پسند کا کوئی بھی استعمال کرسکتی ہیں۔