انار سب کو ہی پسند ہوتا ہے اور یہ بےشمار فوائد اور غذائیت سے بھرپور ہوتا ہے۔ لیکن مسئلہ جب ہوتا ہے جب اس کو کھانے سے قبل کاٹنا پڑتا ہے۔ جتنا آسان اس کو کھا کر فوائد حاصل کرنا ہے اتنا ہی مشکل اس کو کاٹنا ہے۔انار کو کاٹنے میں محنت کے ساتھ وقت بھی لگتا ہے۔ لیکن اگر آپ کو انار کاٹنے کی یہ آسان ٹپ پتہ چل جائے تو آپ کے لیے بھی یہ کارآمد ثابت ہوسکتی ہے۔
انار لیں اور اس کے اوپر کے حصے کو کاٹ لیں۔
پھر انار کو چاروں طرف سے لمبائی میں کاٹیں جس سے انار پھول نما شکل اختیار کر لے۔
اب انار کو پلٹیں اور ایک پلیٹ یا پیالہ نیچے رکھیں پھر چمچ کی مدد سے انار کو ماریں جیسے دیوار پر ہتھوڑی مارتے ہیں۔
۔ ایسا کرنے سے انار کے دانے خود نکلنا شروع ہوجائیں گے۔
لیجیے انار آسانی سے کٹ گیا نہ محنت لگی نہ وقت