خواتین کے لئے روٹیاں بنانے کا کام اس وقت آسان ہوتا ہے جب کہ آٹا گوندھا ہوا ہوتا ہے اور وہ فوری پیڑا بنا کر روٹیاں بناتی ہیں اور کام سے جلدی ہی فارغ ہو جاتی ہیں لیکن مسئلہ اس وقت ہوتا ہے کہ جب آٹا گوندھا ہوا ہو لیکن جب آپ روٹی بنانے کھڑی ہوں تو آٹا ہاتھوں میں چپک جائے، کیونکہ اس سے نہ تو پیڑہ بن پاتا ہے اور نہ ہی روٹی صحیح سے بنتی ہے، دراصل یہ اس وقت بھی ہوتا ہے کہ جب کہ آٹا پتلا گوندھا ہوا ہو یا فریج میں رکھنے کی وجہ سے آٹے میں سے پانی نکلنا شروع ہو جائے۔
آج وومن کارنر آپ کی اس مشکل کو بھی آسان کرتے ہوئے آپ کو بتانے جارہا ہے کہ آٹے کو ہاتھ میں چپکنے سے بچایا جائے اور فوری کام کو آسان بنایا جائے۔
ٹپ:
٭ آٹا اگر کسی بڑے برتن میں ڈال کر گوندھتی ہیں تو اس میں پہلے چاروں طرف ہلکا سا پانی کا اسپرے کرلیں یا چاہیں تو برتن کے پیندے میں انڈے کی سفیدی کا سپرے کرلیں کیونکہ اس سے آٹا اچھا گوندھتا ہے۔
٭ اگر آپ آٹا کم گوندھتی ہیں تو اس کو برتن میں ڈال کر نہ گوندھیں، بلکہ کسی موٹے پلاسٹک بیگ جس میں سامان بھر کر فریز کرتی ہیں اس میں ڈالیں، ساتھ ہی اس میں ایک انڈہ، چار چمچ دودھ اور دو چمچ آئل ڈال کر اس بیگ کو بند کردیں اور اچھی طرح ہلاتی رہیں۔
٭ کچھ دیر بعد اس سب کو بیگ سے نکالیں اور پھر آٹے کی طرح گوندھیں۔
٭ آپ دیکھیں گی کہ یہ کتنا نرم و ملائم اور صفائی والا آٹا گوندھ جائے گا۔
٭ روٹی بناتے وقت آٹا نہ ہاتھ میں چپکے گا اور نہ ہی روٹی کا شیپ خراب ہوگا۔ جب چاہیں، جیسے چاہیں روٹی بنائیں اور مزے سے کھائیں۔