بیکنگ سوڈا ہر گھر میں موجود ہوتا ہے کیونکہ اس کے فائدے ہی اتنے بے شمار ہیں کہ سب ہی اس کو ہر مہینے ضرور خریدتے ہیں۔ آج ہماری ویب ٹوٹکے تدابیر میں ہم آپ کو اس کا ایک اور بہترین فائدہ بتانے جا رہے ہیں جس کو جان کر ایک مرتبہ ضرور استعمال کریں اور پائیں ایسا فائدہ جو پہلے کبھی آپ نے نہ سنا ہو۔
فائدہ:
٭ کچن کے سنک اکثر جلدی ہی بند ہو جاتے ہیں کیونکہ ان میں کھانے پینے کے ذرات پھنس جاتے ہیں اور گندگی اٹک جاتی ہے، اس کو کھولنے کے لئے بہت محنت کرنی پڑتی ہے۔
٭ لیکن اگر آپ چاہتی ہیں کہ سنک بھی با آسانی صاف ہو جائے اور کھانے کے ذرات بھی باہر نکل آئیں تو بس بتائی گئی ٹپ کو استعمال کریں اور بھرپور فائدہ اٹھائیں۔
ٹپ:
٭ اگر سنک میں برتن ہیں تو ان کو نکال دیں۔
٭ پھر دو چمچ بیکنگ سوڈا میں ایک چمچ نمک مکس کریں اور رات بھر سنک میں ڈال کر چھوڑ دیں۔
٭ اس کے ساتھ ہی آدھا چمچ نمک کو ایک چمچ سیب کے سرکے میں مکس کریں اور سنک پر چھڑک دیں۔
٭ صبح آپ سنک میں پانی ڈال دیں۔
٭ لیجیئے بند سنک بھی کھل جائے گا اور زنگ بھی نکل جائے گا۔
٭ تو اب سے رات میں بیکنگ سوڈا سنک میں ڈال کر چھوڑیں اور دو دو فائدے آسانی سے اٹھائیں۔