کڑاہی گوشت ہمارے یہاں شادی بیاہ اور دعوتوں میں بننے والی ایک عام ڈش ہے جسے شوق سے کھایا جاتا ہے اسکے علاوہ گھر ہو یا ہوٹل اسکو کھانے اور پسند کرنے والے ہر جگہ موجود ہیں

ویسے تو آپ نے کڑاہی گوشت بہت بار کھایا ہوگا لیکن ریسٹورنٹ اسٹائل اصلی بلوچی کڑاہی شاید آپ نے نہ کھائی ہو کیونکہ یہ صرف بلوچستان جا کے ہی کھائی جا سکتی ہے، اسلیئے آج ہم آپ کے لیئے لائے ہیں اسکی ریسیپی تا کہ وہاں ذائقہ آپ کے گھر تک پہنچ سکے

بلوچی کڑاہی بنانے کیلیئے آپ کو جن اجزاء کی ضرورت ہے وہ درج ذیل ہیں

اجزاء

۔ گھی دیڑھ پاؤ

۔ مرغی 1 کلو

۔ ٹماٹر تین پاؤ

۔ لہسن کا پانی 1 کپ

۔ لال مرچ 1 بڑا چمچ

۔ کالی مرچ 1 چمچ

۔ نمک حسبِ ذائقہ

۔ ہری مرچ

۔ ہرا دھنیا

بلوچی کڑاہی بنانے کا طریقہ

۔ سب سے پہلے ایک کڑاہی میں گھی گرم کرکے اس میں مرغی ڈال کر ڈھکن ڈھاک دیں اور ہر 2 سے 3 منٹ کے وقفے کے بعد مرغی کو چمچ سے ہلائیں، جب چکن گولڈن براؤن ہوجائے تو اس میں نمک، لال مرچ، ٹماٹر اور لہسن کا پانی (ایک کپ پانی میں 1 چمچ کُٹا ہوا لہسن ڈالنا ہے) شامل کر کے ڈھکن لگا دیں تاکہ ٹماٹر نرم ہو سکیں۔

۔ جب ٹماٹر نرم ہونے لگیں تو چھری یا چمچ کی مدد سے اسکے چِھلکے الگ کردیں اور اسے تیز آنچ پر خوب بھونیں، مصالحے سے تیل الگ ہونے لگے تو اس میں 1 چمچ کالی مرچ، چند موٹی ہری مرچ اور دھنیا کاٹ کر ڈال دیں اور ڈھکن لگا دیں۔

۔ آسان اور مزیدار بلوچی کڑاہی کھانے کیلیئے تیار ہے اب اسے گرما گرم نان کے ساتھ تناول فرمائیں۔