عید سے قبل گھر کی جہاں دیگر چیزوں کی صفائی کا کام جاری ہے وہیں فرنیچر کی صفائی کرنے کے لیے بھی خواتین مختلف فرنیچر پالش خرید کر لا رہی ہیں، کوئی سرف کے پانی سے صوفوں اور فرنیچر پر کپڑا پھیر رہا ہے تو کوئی کلینر سپرے کر رہا ہے۔ کوئی گدیوں اور صوفوں کے کوور دھونے میں مصروف ہے تو کسی کو یہ فکر ہے کہ لکڑی کے فرنیچر پر پر لگے ہوئے نشانات کیسے صاف ہوں گے؟ اگر آپ کی بھی یہی فکر ہے تو اس کا ایک سستا سا حل آپ کے لیے موجود ہے۔
کیلے کے چھلکے فرنیچر کی صفائی کے لیے سب سے زیادہ سستے کلینر کے طور پر کام کرتے ہیں۔ بس ایک کیلا کھائیں اور اس کے چھلکے کے اندر والے سفید حصے کو فرنیچر پر رگڑیں، جہاں جہاں نشانات گہرے ہیں وہاں پر آپ ٹوتھ پیسٹ لگا کر کیلے کا چھلکا رگڑیں، آپ دیکھیں گی کہ سارے نشانات بآسانی صاف ہو جائیں گے اور فرنیچر نئے جیسا چمکے گا۔
٭ اگر آپ کے صوفے پلاسٹک کوور شیٹ والے ہیں یا فوم کی گدی صوفوں کے ساتھ لگی ہوئی ہے تو آپ ان پر بھی کیلے کے چھلکوں کو رگڑیں اور جہاں سے یہ کوور پھٹ گیا ہے وہاں وہاں آپ سوئی دھاگے کی مدد سے سلائی کرلیں، لیجیے عید پر فرنیچر بھی چمکدار ہو جائے گا۔