بڑی عید آگئی ہے اور سب طرف نئے نئے مزیدار پکوان بنائے جا رہے ہیں لیکن بڑی عید ہو اور باربی کیو کا ذکر نہ ہو یہ تو ممکن ہو ہی نہیں سکتا کیونکہ عید کے موقع پر سب کو خاندان، دوستوں و دیگر احباب میں صرف باربی کیو کا ذرا زیادہ انتظار ہوتا ہے اور اسے مل بانٹ کر بنانا مزے کرنا سارا سال یاد رہتا ہے اب ایسے میں باربی کیو بنانے کی خاص ٹپس آپ سب کو ہی معلوم ہونی چاہیئے تاکہ باربی کیو پارٹی کا رنگ پھینکا نہ پڑے۔
تو چلیں بتاتے ہیں جانیں بار بی کیو کو مزیدار بنانے کی ایسی ٹپ جو بنائے آپ کی عید کو اور بھی یادگار اور بار بی کیو کو چٹخارے دار۔
بار بی کیو کرنے کے لئے:
• بار بی کیو کے لیے آپ کو ایسی انگیٹھی لینی ہے جو 2 سے3 انچ کی نہ ہو۔
• اس کی گہرائی کم سے کم 7 سے 8انچ ہونی چاہیے۔
• بہاری بوٹی اور تکہ کے لیے آپ چکور والی سیخیں استعمال کریں۔
• کوئلوں کو پہلے سے دہکہ لیں تاکہ بار بی کیو کو ٹھیک طرح گرمائش مل سکے۔
• بار بی کیو کرتے ہوئے کوئلوں پر آگ نہ بھڑکائیں اس سے بار بی کیو جل جائے گا اور ذائقہ خراب ہوگا اس کو دھیمے دہکے ہوئے کوئلوں پر بنائیں اور پنکھے سے ہوا جھلتے رہیں۔
باربی کیو کو ذائقہ دار بنانے کی ٹپ:
• باربی کیو کو ذائقہ دار بنانا ہے تو اس میں مصالحہ زیادہ دیر کے لئے لگا کر رات بھر کے لئے میرینیٹ کریں تاکہ مصالحہ گوشت کے اندر تک اچھی طرح پہنچ جائے۔
بار بی کیو مصالحے میں لیموں اور دہی لازمی شامل کریں اور پھر گوشت پر مصالحہ لگائیں۔
• سروو کرنے سے پہلے اس پر لیموں کا رس ڈال دیں جس سے آپ کا باربی کیو مزید ذائقہ دار ہو جائے گا۔