جو خواتین گوشت کی خریداری کرتی ہیں انھیوں نے نوٹ کیا ہوگا کہ جب وہ بازار سے قیمہ بنواتی ہیں تو اس میں یا تو چربی کی مقدار زیادہ ہوتی ہے یا ناپ میں کمی آجاتی ہے، اور گھر میں گوشت کا قیمہ نکالنا بہت مشکل ہوتا ہے اسلیئے کام چلانا پڑتا ہے۔ جن کے گھر قیمہ نکالنے کی مشین موجود ہوتی ہے ان کے لیے آسانی ہوتی ہوگی لیکن ایسے میں وہ لوگ کیا کریں جن کے گھروں میں قیمہ بنانے کی مشین نہ ہو؟

آج ہم آپ کو بغیر مشین کے مشین جیسا قیمہ نکالنے کا گھریلو طریقہ بتائیں گے جس کے بعد آپ کو باہر لمبی قطاروں میں اور مہنگے دام قیمہ نکلوانے کی ضرورت نہیں پڑے گی۔

اس کے لیے آپ کو جوسر گرینڈر کی ضرورت پڑے گی جو ہر گھر میں ہی موجود ہوتا ہے۔ سب سے پہلے گوشت کے بڑے ٹکڑوں کو چھوٹا کرنا ہے اور اس کو اچھے سے صاف کرنا ہے اور گوشت سے چھیچھڑے نکال دینے ہیں۔ اس کے بعد آپ نے بوٹیاں بنا کر فریج میں 20 سے 30 منٹ تک رکھنا ہے۔ اور فریج کے اوپر والے خانے میں گوشت کے ساتھ جوسر گرینڈر کو اس کے ڈھکن سمیت رکھنا ہے۔

پھر بیس سے تیس منٹ فریج میں رکھنے کے بعد اسے نکال لیں اور گوشت کی بوٹیاں تھوڑی تھوڑی کر کے گرینڈر کے اندر ڈالیں اور مشین کو چلائیں۔ آپ نے مشین کو تین سے چار سکینڈ تک چلا کر بند کرنا ہے پھر یہی چار سے پانچ بار عمل دہرانا ہے جس کے بعد آپ کو باریک قیمہ مل جائے گا۔ اس سے بہت اچھا قیمہ بنے گا آپ دیکھیں گے جیسے مشین سے نکلوایا ہو۔