ہم میں سے کئی لوگ ڈبل روٹی بہت شوق سے کھاتے ہیں اور اس کو تازہ تازہ کھانا پسند کرتے ہیں، ہم ڈبل روٹی کھاتے ہیں اور اسے یوں ہی کچن کے کاؤنٹر پر چھوڑ دیتے ہیں لیکن کیا آپ نے کبھی سوچا ہے کہ ڈبل روٹی رکھنے کا یہ طریقہ صحیح ہے بھی یا نہیں؟
اگر نہیں جانتے تو چلیں آج ہم آپ کو بتاتے ہیں ڈبل روٹی کو تازہ رکھنے کا طریقہ جو جان کر آپ بھی حیران رہ جائیں گے۔
ڈبل روٹی کہاں رکھی جائے؟
• عام طور پر ہم ڈبل روٹی لاتے ہیں اور اس کو سیدھا کچن کے کاؤنٹر پر رکھ دیتے ہیں یہ عمومی طور پر کاغذ کی تھیلی اور پلاسٹک کی تھیلی میں موجود ہوتی ہے۔
• ہم اس ڈبل روٹی کو کھول کر کھاتے ہیں جو بچ جاتی ہے وہ واپس کاؤنٹر پر ہی چھوڑ دیتے ہیں جس کی وجہ سے یہ باسی بھی ہو جاتی ہے۔
• لیکن ڈبل روٹی کو تازہ رکھنے کا اصل طریقہ یہ ہے کہ آپ اسے لاتے ہی فریزر میں رکھ دیں، جی ہاں فریزر میں یہ باسی نہیں ہو گی اور جب جب آپ اسے نکال کر کھائیں گے یہ آپ کو تازہ ہی ملے گی۔
• ہاں مگر اس کو ڈی فروز ہونے دیجیئے گا، جیسے ہی یہ واپس نارمل درجہ حرارت پر آ جائے تو اسے نوش فرمائیں ایک دم تازی ڈبل روٹی حاضر ہے۔
• کچن کے کاؤنٹر پر ڈبل روٹی نہ رکھنے کی سب سے بڑی وجہ اس میں پھپوندی لگنا اور اس کا باسی ہونا ہے، اس لئے فریزر اس کا بیسٹ آپشن ہے۔