آج کل بچوں میں کیلشئیم کی کمی کا مرض عام ہے اس کی کئی وجوہات ہیں لیکن ایک اہم وجہ بچیوں میں لیکوریا کی تکلیف ہے جس کی وجہ سے کیلشئیم کی بےحد کمی، ہڈیوں کی کمزوری، چہرے کی بے رونقی، اور بدن کمزور ہونا ہے۔ یہ وہ چیزیں ہیں جو جسم کو اندرونی طور پر بھی بے حد کمزورکردیتی ہیں۔ یہاں ہم اسی کمی کو دور کرنے کی بے حد آسان ریسیپی لائے ہیں جو بنانے میں بہت آسان ہے اور کھانے میں بہت مزیدار ہے۔ اس کے لئے آپ کو چاہیے
پھول مکھانے 1 کپ
ثابت ناریل 1 کپ(ثابت ناریل کو کدوکش کر کے اس کا برادہ بنا لیں)
پھول مکھانے کیلشئیم کا بہترین زریعہ ہیں ان میں بے انتہا کیلشئیم پایا جاتا ہے، اس کے علاوہ اس سے وزن نہیں بڑھتا ڈائٹ کرنے والی بچیاں اورخواتین بھی اس کو بآسانی استعمال کر سکتی ہیں۔ ان کو گرائنڈ کر لیں۔ اب کسی پین میں دو چمچ دیسی گھی لے کر اس میں یہ گرائنڈ کیے ہوئے مکھانے ہلکے سنہری کر لیں تاکہ یہ کرنچی ہو جائیں۔ اب ان کو نکال کر علیحدہ رکھ لیں۔ اب اسی پین میں ناریل کا برادہ بھی ہلکا سا فرائی کر لیں۔ آنچ بالکل دھیمی رکھنا ہے۔ اب ان دونوں چیزوں کو مکس کر لیں۔
شیرہ بنانے کے لئے
مصری 1 کپ
پانی آدھا کپ
ان دونوں چیزوں کو پکا کر ایک تار کا شیرہ بنا لیں۔ اور فرائی کئے ہوئے مکھانے اورناریل کے مکسچرمیں یہ شیرہ ڈال دیں اور اچھی طرح یک جان کرلیں۔ اب ذرا ٹھنڈا ہو جائے تو اس کے لڈو بنا لیں۔ لیجیے آپ کے مزیدار پنجیری لڈو تیار ہیں یہ آپ کی کیلشئیم کی کمی دور کرنے کا بہترین نسخہ ہے۔ اس سے آپ کی جلد خوبصورت ہوگی،بال اور ناخن بھی اچھے ہوں گے، چہرہ چمک اٹھے گا۔ آزمائیں اور ہمیں کمنٹ کر کے بتائیں کہ آپ کو یہ نسخہ کیسا لگا۔