گھر کی صاف صفائی کتنی ہی کیوں نہ کرلو دھول مٹی کہیں نہ کہیں سے گھر میں داخل ہو ہی جاتی ہے، باقی سامان پر تو پھر بھی انسان گیلا کپڑا مار کر دھول مٹی صاف کرسکتا ہے لیکن اگر قالین یا کارپٹ پر دھول جم جائے تو اسے صاف کرنا ایک مشکل مرحلہ ہے۔
اب اگر اتنے بڑے کارپٹ کو ڈرائی کلین کروایا جائے تو ہزاروں روپے لگ جائیں گے، جو کہ آج کل مہنگائی کے دور میں گھر سے بجٹ سے نکالنا مشکل ہوجاتا ہے۔ اسی لیئے ہم اپنی گھریلو خواتین کیلیئے لائے ہیں گھر میں کارپٹ صاف کرنے کا ایک آسان اور سستا طریقہ، جس میں زیادہ محنت بھی درکار نہیں۔
کارپٹ کی صفائی میں استعمال ہونے والی گولی:
جیسا کہ آپ نے اوپر پڑھا ہوگا کہ ہم نے ایک گولی کا ذکر کیا تھا، آپ بھی سوچ رہی ہونگی کہ وہ کون سی ایسی گولی ہے جو آپ کا کام آسان کرسکتی ہے؟
یہ کچھ اور نہیں بلکہ واشنگ مشین میں ڈالی جانے والی گولی ہے، جسے زیادہ تر آٹومیٹک واشنگ مشین میں ڈال کر استعمال کیا جاتا ہے۔ یہ آپ کو بازار سے یا آن لائن با آسانی مل جائے گی۔
کارپٹ صاف کرنے کا طریقہ:
۔ ایک پیالے میں اس گولی کو ڈال کر پانی بھر دیں، جب گولی پانی میں گھل جائے تو اسے ہاتھ سے مکس کرلیں
۔ جن خواتین کے ہاتھ نازک ہوں یا ان کو الرجی ہو، وہ دستانے پہن کر یہ کام کریں
۔ اب ایک چھوٹا تولیہ لیں اور اسے اس مکسچر میں ڈبو کر نچوڑ لیں، اسکے بعد ایک ہینڈل والے ڈھکن کو اس تولیئے میں لپیٹ کر اوپر سے ربڑ بینڈ یا کسی اور چیز سے باند دیں
۔ اب اس ڈھکن کو ہاتھ میں پکڑ کر پونچے کی طرح کارپٹ پر رگڑیں اور کارپٹ کو صاف کرتے جائیں
۔ اس طریقہ کار پر عمل کرنے سے آپ کے کارپٹ کے اوپر جمی دھول مٹی بلکل صاف ہوجائے گی۔