کھانے پینے کی چیزوں میں ملاوٹ کو پہچاننا سیکھیں تاکہ خود بھی ملاوٹی اور غیر معیاری چیزوں سے بچ سکیں اور اپنے گھر والوں کو بھی بچا سکیں۔
چائے کی پتی:
چائے کی پتی بھی بازار میں ملاوٹ کرکے دی جا رہی ہے، تھوڑی سی چائے کی پتی میں ڈھیر سارا کالا بھورا ہوتا ہے جو دیکھنے میں تو بالکل پتی کی طرح لگتا ہے، یہی وجہ ہے کہ چائے کا ذائقہ اچھا نہیں آتا۔ لیکن اگر آپ اس کو جانچنا چاہتے ہیں تو ایک بہت آسان سا کام کریں، کسی بھی ململ کے کپڑے پر تھوڑی سی چائے کی پتی ڈالیئے اور اس کے اوپر پانی کے قطرے ڈالیں، اب چائے کی پتی کو الگ کرلیں اور ململ کے کپڑے کو پانی کے اندر لے جائیں، اگر فوری پتی کا رنگ کپڑے سے نکل جائے تو وہ اصلی ہے اور اگر نہیں تو اس کا مطلب ہوا کہ آپ ملاوٹ والی چائے کا استعمال کر رہے ہیں۔
لال مرچ:
اگر لال مرچ کو چیک کرنا چاہتی ہیں تو ایک چمچ لال مرچ کو آدھے گلاس پانی میں ڈالیں اور نکال کر ہاتھ پر رگڑیں، اگر یہ کنکریلی محسوس ہو یا چکناہٹ محسوس ہو تو یہ ملاوٹ والی مرچ ہے، البتہ اگر ہاتھ پر رگڑنے سے آپ کو کچھ بھی محسوس نہ ہو تو وہی مرچ اصل ہے۔
کالی مرچ:
کالی مرچ کو ہاتھوں پر ایک سے دو مرتبہ زور سے دبائیں، اگر جلدی ٹوٹنے لگے تو یہ ملاوٹی ہے اور اگر نہیں تو اس کا مطلب آپ خالص مرچ استعمال کر رہے ہیں۔