ہر گھر میں مختلف قسم کے صوفے ہوتے ہیں۔ کہیں لکڑی کے صوفے تو کہیں فوم والے ہوتے ہیں۔ لکڑی کے صوفوں کو صاف کرنا آسان ہے، جن کی گدیاں الگ سے ہوتی ہیں۔ لیکن وہ صوفے جن میں فوم کی گدیاں جڑی ہوئی ہوتی ہیں ان کی صفائی کرنا مشکل ہوتا ہے۔ کیونکہ اگر لکڑی کو پانی سے صاف کرکے دھویا تو گدی گیلی ہو جائے گی اور اس کو خُشک ہونے میں 2 سے 3 دن بھی لگ جائیں گے۔ ایسے میں صوفے اور کرسیوں کو صاف کرنے کے لیے بس یہ طریقہ اپنائیں اور صوفے، گدیاں اور کرسیاں چمکائیں۔

ٹپس:

٭ ایک چمچ بیکنگ سوڈا، ایک چمچ نمک کو ملائیں اور ایک لیموں کا رس ڈال کر اچھی طرح مکس کرلیں۔ اب ایک ٹوتھ برش کی مدد سے بیکنگ سوڈے کے مکسچر کو صوفے، گدیوں اور کرسیوں کے فوم والے حصے پر رگڑیں اور اچھی طرح 5 سے 10 منٹ تک کرتے رہیں۔

٭ اب ایک پیالی میں پانی لیں اور اس میں تھوڑا سا شیمپو ڈال کر مکس کرلیں پھر گدی یا صوفے کا وہ حصہ جہاں کپڑا یا فوم لگا ہوا ہے اس پر کپڑے کی مدد سے صاف کریں۔

٭ پھر ایک گیلے کپڑے سے سب کچھ صاف کرلیں۔ تھوڑی دیر چھوڑ دیں اور خُشک ہونے کے بعد دیکھیں سارے نشانات صاف ہو جائیں گےا ور جتنے بھی داغ دھبے لگے ہوئے ہیں وہ سب کچھ صاف ہو جائیں گے۔

٭ لکڑی کی کرسی یا صوفے کی سائیڈوں کو بھی اسی بیکنگ سوڈے کے مکسچر سے صاف کرلیں، لیکن فوری گیلے کپڑے سے صاف کرلیں تاکہ لکڑی پر گیلے پانی کے نشانات نہ پڑیں۔