بارشوں کے موسموں میں اکثر چھت سے خوب پانی ٹپکتا ہے جس کی وجہ چھت کی تعمیر کے دوران استعمال ہونے والے میٹیریل یعنی سمینٹ، بجری وغیرہ کا غیر معیاری ہونا ہوتا ہے اور پانی زیادہ لگنے کی وجہ سے چھت ٹپکنے لگ جاتی ہے۔

اور آج کل تو بارشیں بھی بہت زیادہ ہو رہی ہیں ایسے موسم میں اپنے گھر کی چھتوں سے ٹپکتے ہوئے پانی سے بچنا ہے تو دیر کئے بغیر جانیئے ہماری ویب کے ٹپس اینڈ ٹرکس سیکشن کی خاص ٹپ جو آسان بھی ہے اور کارآمد بھی، آزمائی ہوئی بھی ہے اور عام استعمال کے لئے خاص بھی۔

ٹپس:

٭ چھت سے پانی ٹپکتا ہے تو آپ کو چاہیئے کہ تھرماپول کا ایک ٹکڑا لیں، اس پر سادہ چونا لگائیے جوکہ بازار میں آسانی سے دستیاب ہوتا ہے اور رنگ والوں کے پاس بھی ہوتا ہے۔ چونے کو تھرماپول پر لگا کر وہ سائیڈ جس پر چونا لگایا ہے اس کو چھت کی طرف کیجیئے اور سادے حصے کو نیچے رکھیں اور اس کو اچھی طرح چسپاں کردیجیئے۔ اس طرح بہت ممکن ہے کہ پانی نہیں ٹپکے گا ، یا کم ٹپکے گا اور پھر سادی طرف اور تھرماپول کے کناروں پر بھی پلاسٹر آف پیرس لگا دیجئیے یوں پانی کم ٹپکنے گا ۔ لیکن یہاں برائیٹ فآر ڈے کے مطابق تھرماپول پانی کو ایک مخصوص درجہ حرارت تک جذب بھی کرتا ہے اور خشک بھی کرلیتا ہے، مگر بہت زیادہ نمی کی صورت میں وہ بہہ جاتا ہے، اس لئے یہ طریقہ مستقل تو نہیں البتہ کچھ محدود مدت کے لئے مناسب ہے۔

٭ پیپر ٹیپ تو آپ کو پتہ ہی ہوگا جو کہ پیکنگ کے لئے استعمال ہوتا ہے اس کو بھی چھت کے اس حصے پر لگا سکتے ہیں جوکہ ٹپکتا ہے۔

٭ صرف اور صرف پلاسٹر آف پیرس کو بھی آپ دیواروں اور چھتوں پر لگا سکتے ہیں۔

٭ سفید سیمنٹ کا پیسٹ بنائیے اور اس کو دیواروں پر لگائیے، ایسے نہ صرف آپ کی دیوار مضبوط ہو جائے گی بلکہ پانی کے ٹپکنے سے بھی بچ جائیں گے۔