ماہِ رمضان کا آغاز ہے اور مختلف کھانے سحر و افطار کا حصہ بنائے جا رہے ہیں، تو آج ایک اور بہترین ریسیپی اپنی لسٹ میں شامل کر لیں، اور اپنی افطار کی شان بڑھائیں۔
چکن چیز بالز بنانے کی ترکیب:
اجزاء:
چکن: کا قیمہ آدھا کلو
انڈا: ایک عدد
موزریلا چیز: ایک کپ
پارسلے: کٹے ہوئے 2 کھانے کے چمچ
ہری پیاز: 250 گرام
سرخ مرچ: پسی ہوئی ایک چائے کا چمچ
لہسن: کٹا ہوا دو چائے کے چمچ
ادرک کا پیسٹ: ایک چائے کا چمچ
سویا ساس: ایک کھانے کا چمچ
کارن فلور: ایک کھانے کا چمچ
نمک: آدھا چائے کا چمچ
تیل: 4 کھانے کے چمچ (آمیزے کے لیے)
تیل: (تلنے کے لیے)
ترکیب:
• سب سے پہلے چکن کے قیمے میں موزریلا چیز، ادرک کا پیسٹ، سویا ساس، کارن فلور، نمک، پارسلے، ہری پیاز، سرخ مرچ، کٹا ہوا لہسن اور چار کھانے کے چمچ تیل اچھی طرح سے مکس کر لیں۔
• پھر اس کی درمیانی سائز کی بالز بنائیں۔
• بالز بناتے وقت ہاتھوں پر ہلکا سا تیل لگا لیں تاکہ آمیزہ ہاتھوں پر چپکے نہیں۔
• ان چکن چیز بالز کو انڈے میں ڈِپ کریں اور پھر گرم تیل میں دھیمی آنچ پر فرائی کریں۔
• گولڈن براؤن ہونے تک چکن چیز بالز کو فرائیں کر لیں اور چلی گارلک ساس کے ساتھ پیش کریں۔