آج کل چکن کا گوشت بہت سستا ہو گیا ہے اب یہ ہر کسی کی پہنچ میں آ گیا ہے، مارکیٹ میں اس وقت مرغی کے گوشت کی قیمت 180 سے 200 روپے فی کلو ہوگئی ہے، جسکے بعد ہر کوئی اپنے اپنے گھر میں فریزر کی شان بڑھانے کے لئے 5 5 کلو یا اس سے بھی زائد کلو مرغی لا کر رکھ رہا ہے تاکہ آگے آنے والے دنوں میں مرغی مہنگی بھی ہو جائے تو کوئی مسئلہ نہ ہو کیونکہ فریزر تو بھرا پڑا رہتا ہے۔
محفوظ بنانے کے طریقے:
٭ سب سے پہلے تو آپ مرغی کا جتنا بھی گوشت خرید کر لے آئے ہیں، اس کو اچھی طرح صاف کرلیجیئے اور دھو کر پاک کرلیں۔
٭ ایک بات کا خیال رکھیں کہ تھوڑا سا پانی ابال لیں اور اس ابلے ہوئے پانی میں چکن کو ڈال کر چھوڑ دیں۔ 20 منٹ بعد نکال کر دھو لیں، اس طرح مرغی کے اندر موجود خون نکل جائے گا جراثیم مر جائیں گے۔
٭ دھونے کے بعد 10 منٹ کے لئے آپ اس کو ہلکا سا نمک لگا کر رکھیں اور پھر چاہیں تو ایک مرتبہ پھر پانی سے دھو کر اس کو تھیلی میں پیک کرلیں۔
٭ گوشت کی تھیلیاں بنائیں اور ہر تھیلی میں ایک عدد کڑی پتہ ڈال دیں۔
٭ گوشت کو ابال کر رکھنے سے یہ زیادہ دنوں تک محفوظ رہ سکتا ہے، لہٰذا آپ گوشت کو دھو کر اچھی طرح ابالیں اور پھر ٹھنڈا کرکے اس کی تھیلیاں بنا کر پیکٹ فریزر میں جما جما کر رکھ لیں، نہ فریزر کی زیادہ جگہ استعمال ہوگی اور نہ ہی گوشت خراب ہوگا۔