کچن کی صفائی تو ہم سب ہی کرتے ہیں لیکن اسکے ساتھ ساتھ گیس کے چولہے کو صاف رکھنا بھی بہت ضروری ہے کیونکہ کھانا ہم اسی پہ بناتے ہیں, اسلیئے کھانا بناتے وقت اردگرد کی صفائی کا خیال رکھیں تاکہ دیکھنے والے کا بھی دل خوش ہوجائے اور بنانے والے کو بھی اچھا لگے. آج ہم آپ کو بتائیں گے کہ کس طرح آپ اپنے چولہے کو صاف کرسکتی ہیں جس سے اس پہ لگے داغ دھبے تو صاف ہونگے ہی بلکہ اس پہ لگی چکنائی بھی ختم ہوگی اور آپکا چولہا مہکے گا الگ.

چولہے کو صاف کربے کا طریقہ:

رات کو کھانا بنانے کے بعد جب چولہے کا کام ختم ہوجائے تو اس پر ٹیلکم پاؤڈر چھڑک کر پوری رات کیلئے چھوڑ دیں, ٹیلکم پاؤڈر جس طرح جسم سے پسینے اور چکنائی کو جذب کرکے اسے خشک کرتا ہے اسی طرح وہ آپکے چولہے کی چکنائی کو بھی جذب کرلے گا. اب اگلے دن ٹشو پیپر کو ہلکا سا گیلا کرکے ٹیلکم پاؤڈر کو پونچیں اسکے بعد بَرنر پہ ٹوتھ پیسٹ لگا کر اسکوچ برائیڈ سے رگڑیں تاکہ اس کے سوراخوں میں جمی چکنائی صاف ہوجائے, تھوڑا ٹوتھ پیسٹ چولہے پر بھی لگائیں اور اسکوچ برائیڈ سے اچھی طرح صاف کرلیں. پھر گیلے کپڑے سے چولہے کو پونچ کر سوکھے کپڑے سے صاف کرلیں. آپ خود دیکھیں گے کہ آپکا چولہا بلکل نیا جیسا ہوگیا ہے.

دوسرا طریقہ:

• سب سے پہلے چولہے کے اردگرد تھوڑا سا سفید سرکہ ڈالیں پھر اس پر بیکنگ سوڈا چھڑک کے آدھا لیموں نچوڑ کے ڈال دیں. اب اسے چاروں طرف ہلکے ہاتتھ سے پھیلا کر پندرہ منٹ کیلیئے چھوڑ دیں. اسکے بعد اسکوچ برائیڈ یا سِلور تار کی مدد سے اچھے سے رگڑیں جب داغ دھبے اور چکنائی نکل جائے تو اسے پہلے گیلے پھر سوکھے کپڑے سے صاف کرلیں. آپکا چولہا بلکل صاف اور چمکدار ہوجائے گا.