گھر میں اگر دس چیزیں ہیں تو ان کے سو مسئلے بھی ہیں کبھی کچھ خراب ہوجاتا ہے تو کبھی کچھ، آئے دن کوئی نہ کوئی نیا خرچہ لگا ہی رہتا ہے۔ ایسے میں ہر کوئی چاہتا ہے کہ باہر پیسے دے کر سامان ٹھیک کروانے سے بہتر ہے جتنا ہوسکے چیزوں کو گھر میں ہی ٹھیک کرلیا جائے۔
ان مسئلوں میں ایک مسئلہ گیس کے چولہے کی نوب کا بھی ہے، بعض اوقات یہ بہت سخت ہوجاتی ہے اور پھنسنے لگتی ہے اور کبھی بہت ڈھیلی ہوجاتی ہے جس سے چولہا کم ہونے کے بجائے بند ہوجاتا ہے۔ اسکے علاوہ ایسا بھی ہوتا ہے کہ چولہے سے آگ کم آرہی ہوتی ہے۔ اس صورتِ حال میں کیا کرنا ہے یہ ہم آپکو بتاتے ہیں۔
گیس کا چولہا ٹھیک کرنے کا طریقہ:
جیسا کہ آپ نے دیکھا ہوگا چولہے میں پلاسٹک کی نوب کے نیچے ایک چھوٹا سا پیچ/ اسکرُو لگا ہوگا جسے آپ نے پیچ کَس یا ٹیسٹر کی مدد سے کھول لینا ہے۔
۔ نوب نکالنے کے بعد آپکو اسکے نیچے پیتل کا ایک نَٹ نظر آئے گا جسکو آپ پِلاس کی مدد سے نکال لیں۔ نٹ کھولنے کے بعد برنر کو باہر نکالنا ہے۔
۔ برنر کی دوسری سائیڈ پر آپکو ایک نٹ بولٹ نظر آئے گا اسے کھول کر برنر کو باہر نکال لیں۔
۔ اسکے بعد آپ نے گیس وال کو کھولنا ہے، اسے نکالنے کیلیئے آپکو اسے باہر سے اندر کی طرف دھکا دینا ہے جس سے وہ باہر آجائے گی، پلاس کی مدد سے اسے تھوڑا سا گھمانا ہے تاکہ وہ پوری طرح نکل جائے۔
۔ آپ دیکھیں گے کہ اس پر کتنا میل اور کالک جمی ہوئی ہوگی، اسکو صاف کرنے کیلیئے تھوڑے سے پیٹرول کی ضرورت پڑے گی۔
اسکے بعد آپ کو کیا کرنا ہے اور کیسے کرنا ہے اُس کے لیئے نیچے دی گئی ویڈیو دیکھیں تاکہ آپکو ہر چیز باآسانی سمجھ آسکے۔