شیف مزے دار کھانے بتاتی ہیں ساتھ ہی اپنے منفرد انداز اور لاجواب ٹپس سے لوگوں کے دل جیت لیتی ہیں، کئی سالوں سے ہم سب شیف کے جیسے بنائے ہوئے کھانے بنانے کی کوشش کرتے ہیں، کچھ کھانے بنانے میں تو کامیاب ہو جاتے ہیں اور کچھ کھانوں میں ذرا سی کسر رہ جاتی ہے اور بعض اوقات روزمرہ کے عام کھانوں میں ہی ہم کچھ ایک دو اجزاء کی کمی کی وجہ سے ذائقے کا لطف نہیں اٹھا پاتے۔ ایسے میں آج جانیئے ان کی بتائی ہوئی لاجواب ٹپس۔
٭ گریوی بنانے کا طریقہ:
اچھی اور گاڑھی گریوی بنانے کے لئے شیف اس میں دو چمچ مایونیز اور چکن سپریڈ شامل کرتے ہیں جس سے یہ مذید ذائقہ دار بنتی ہے اور اس کے ساتھ پکا ہوا کھانے کا بھی ذائقہ مغلئی ہو جاتا ہے۔
دال کا تڑکا:
دال کا تڑکا لگاتے وقت زیرے اور ایک چٹکی کالی مرچ پاؤڈر کو آئل میں بھون لیں اور پھر اس میں چٹکی بھر سونف ڈال دیں تو ہر طرح کی دال کا مزہ دوبالا ہو جاتا ہے۔
پیزا:
پیزا بنانے کے لئے ڈوو کو ایک دن پہلے تیار کریں اور اس میں معدے کے ساتھ کورن فلور اور کھٹا دہی زیادہ استعمال کریں ساتھ ہی نمک اور پسی ہوئی خشخاش ڈالیں یہ پیزا کے ذائقے کو اور زیادہ بڑھا دے گی۔