ڈیپ فرائی یا مختلف پکوان کو تلتے ہوئے بہت سا تیل استعمال ہوتا ہے جو بعد میں بچ جاتا ہے. اس تیل میں کھانوں کی باقیات اور سیاہی پیدا ہوجاتی ہے جسے صاف کیے بغیر دوبارہ استعمال کرنا صحت کے لیے نقصان دہ ہے. تو چلیے آج آپ کو منٹوں میں تیل کو صاف کرنے کے چند طریقے بتا دیتے ہیں.
سب سے پہلے استعمال ہوئے تیل کو ٹھنڈا ہونے دیں اس کے بعد اسے چھان کر ایک پیالی پانی میں 2 چمچ کارن فلور کو مکس کرکے ایک مرکب تیار کرلیں۔ تیل کو دوبارہ گرم کریں اور اچھی طرح گرم ہوجانے کے بعد اس میں یہ مرکب ڈال کر تقریباً 10 منٹ پکائیں ساتھ مسلسل چمچ بھی چلاتے رہیں. تھوڑی دیر میں تمام زرات ایک ٹھوس شکل اختیار کرلیں گے. تیل کو ایک بار پھر چھان لیں. سارا تیل صاف ہوجائے گا.
گرم تیل میں لیموں کے چھوٹے ٹکڑے کاٹ کر ڈال دیں۔ یہ لیموں کے ٹکڑے تیل میں موجود کالے ذرات کو خود میں جذب کر کے چپکا لیں گے. اس کے بعد ان ٹکڑوں کو چمچ کی مدد سے نکال لیں۔