ہمارے یہاں افطاری کے دسترخواں پر جسیے پکوڑے لازمی ہیں اسی طرح دہی بھلوں کا ہونا بھی ضروری ہے، کیونکہ اس کے بغیر تو افطاری کا مزہ ہی نہیں آتا ہے۔
ایک طرف جہاں خواتین پورا دن بڑی محنت سے سب کیلیئے افطاری بناتی ہیں وہیں دوسری طرف کھانے میں زرا سی گڑبڑ ساری محنت پر پانی پھیر دیتی ہے۔ اور ایسا سب سے زیادہ دہی بھلوں کے ساتھ ہوتا ہے، کیونکہ بعض اوقات وہ اندر سے سخت رہ جاتے ہیں جس کی وجہ سے کھانے میں مزہ نہیں آتا۔
تو آئیے آج ہم آپ کو بازار جیسے نرم و ملائم بھلے بنانے کی آسان ٹپ بتاتے ہیں۔
ٹپس:
٭ دہی بھلے کے پیسٹ میں نیم گرم پانی ڈال کر اچھی طرح پھینٹ لیں۔
٭ اس میں بیکنگ سوڈا نہ ڈالیں بلکہ بیکنگ پاﺅڈر کا استعمال کریں ۔
٭ اس سے آپ کے دہی بھلے بہت سوفٹ بنیں گے اور ذائقہ بھی اچھا آئے گا۔
٭ دہی کو ایک گھنٹہ قبل فریج سے نکال کر رکھیں تاکہ یہ بھی نرم ہو جائے اور آسانی پھینٹ سکیں۔
٭ بیسن کے ساتھ کورن فلور کو مکس کریں اور پھر اس میں کالی مرچ اور زیرہ پاؤڈر مکس کرکے دہی بھلے بنائیں ایسے آپ کے دہی بھلے پھولے پھولے اور نرم ملائم بنیں گے۔