بچے ہوں یا بڑے سب ہی دہی کھانا پسند کرتے ہیں کم ہی لوگ ایسے ہوتے جن کو دہی نہیں پسند لیکن ماہرین کے مطابق:
" انسانی جسم کو ایک دن میں جتنے کیلشیئم کی ضرورت ہوتی ہے اس کا ۴۹ فیصد دہی کے ایک کپ میں پایا جاتا ہے"۔
یعنی روزانہ دہی کھانا ہماری ہڈیوں اور جسم کی مضبوطی کے لیئے کس قدر ضروری ہے یہ تو آپ کو اندازہ ہو ہی گیا ہوگا۔
اب ہم آپ کو بتاتے ہیں کہ کس طرح ایک کپ دہی آپ کو فائدہ پہنچاتی ہے:
• جن لوگوں کو نیند کی کمی کے مسائل ہیں یا نیند کم آتی ہے، آنکھ بار بار کھل جاتی ہے وہ دہی استعمال کریں کیونکہ دہی میں میگنیشیئم پایا جاتا ہے اور یہ اس مسئلہ میں بڑی مفید ہے۔
• جلدی تھک جانے کی شکایت ہو، جسم میں پھرتی نہ ہو تو آپ ایک کپ دہی کا استعمال لازمی کریں۔
• دہی میں وٹامن بی پایا جاتا ہے جو کہ ہائی بلڈ پریشر کی شکایت اور آنکھوں کی بینائی کو تیز کرنے میں فائدہ دیتا ہے۔
• برطانوی اخبار ڈیلی میل کی رپورٹ کے مطابق سپین میں سائنسدانوں کے مطابق:
”روزانہ چکنائی والے دہی کا ایک کپ کھانے سے ڈپریشن کا خاتمہ کیا جا سکتا ہے۔“
• دہی میں کیلشیئم پایا جاتا ہے جو کہ ہماری ہڈیوں اور دانتوں کے لیئے کارآمد ثابت ہوتا ہے۔