رمضان میں دہی کا استعمال عام دنوں کے مقابلے بڑھ جاتا ہے اور لوگ زیادہ سے زیادہ دہی کھاتے ہیں تاکہ صحت مند بھی رہ سکیں اور مزے دار دہی بڑے بھی کھائیں، جس کے لئے کچھ لوگ ایک ساتھ زیادہ دہی لا کر فریج میں رھ لیتے ہیں۔ تازہ دہی بھی فریج میں رکھنے سے کھٹی پڑجاتی ہے، چاہے بازار سے خریدی گئی ہو یا گھر میں بنائی گئی ہو۔ اور دہی کھٹی ہوجائے تو اسے پھیکیں مت بلکہ کیجئیے یہ چھوٹا سا کام اور دہی کو کھٹا ہونے سے بچائیں باآسانی۔
جانیں زبیدہ آپا دہی کو کھٹاہونے سے بچانے کے لئے کیا طریقہ بتاتی تھیں جو بہت کارآمد ہے، جس کے استعمال سے 7 دن تک دہی کھٹا نہیں ہوتا ہے۔
ٹپس:
٭ دہی میں آپ پاؤڈر والا دودھ دہی کی مقدار کے ایک چوتھائی حصے کے برابر ڈال کر اچھی طرح مکس کر کے رکھ دیں۔
اس طریقے سے آپ کی دہی کھٹی نہیں ہوگی کیونکہ سوکھے دودھ میں سکروز اور لیکٹوز شامل ہوتے ہیں جس کی وجہ سے کھٹا پن جلدی نہیں آتا۔
٭ دہی جمانے کے بعد اس میں ایک چمچ بیکنگ سوڈا ڈال دیں، دہی کبھی کھٹی نہیں ہوگی۔
٭ اگر بازار سے دہی لائیں تو اس میں بھی بیکنگ سوڈا ڈال کر چھوڑ دیں، یہ کبھی خراب نہیں ہوگی۔