دیواروں پر کالی سڑن جسے کالی پھپہوندری بھی کہا جاتا ہے، اکثر آپ کے گھر کی دیواروں، باتھ روم ٹائلز یا کھڑکیوں وغیرہ پر ہوجاتی ہے۔ یہ عام طور پر گھر میں وینٹیلیشن (بند گھر یا ہوا کا نہ آنا) کی کمی کی وجہ سے ہوتی ہے، کیونکہ بند گھروں یا جگہوں پر نمی کی سطح زیادہ ہوتی ہے، گھر میں سیلن کی وجہ سے بھی یہ ہوتی ہے۔
گھر میں لگی پھپہوندری کے ساتھ ایک مسئلہ یہ بھی ہے کہ اسے جب بھی صاف کرو یہ کچھ دنوں میں واپس لوٹ آتی ہے، اسلیئے آج ہم آپ کو اسکا ایک نہایت ہی آسان طریقہ بتائیں گے۔
دیوار پر لگی پھپہوندری صاف کرنے کا طریقہ:
۔ سب سے پہلے گھر میں موجود وائپر (جس سے پونچا لگتا ہے) یا پھر نارمل وائپر پر کوئی تولیہ باندھ لیں
۔ اب ایک چھوٹی بالٹی میں پانی لیں اور اس میں بلیچ شامل کر کے مکس کر لیں
۔ وائپر کو پانی میں بھگا کر دیواروں اور چھت پر لگی پھپہوندری کو صاف کریں، دو بار پونچنے پر پھپہوندری مکمل طور پر صاف ہوجائے گی
۔ اسی طرح ایک چھوٹا تولیہ لیں اور اسے بلیچ والے پانی میں گیلا کر کے باتھ روم کے ٹائلز اور کھڑکیوں کو صاف کریں
۔ ایسا کرنے سے پھپہوندری صاف بھی ہوگی اور کافی عرصے تک واپس لوٹ کے نہیں آئے گی۔