سر میں خشکی نہ صرف بدنما لگتی ہے بلکہ اس سے سر میں شدید خارش بھی ہوتی ہے۔ بالوں کی خشکی آسانی سے جان نہیں چھوڑتی۔ سر کی جلد کسی انفیکشن کی وجہ سے بار بار خشک ہوتی ہے اور ہر جگہ جھڑتی رہتی ہے۔ اس کو کم کرنے کے لئے کچھ گھریلو ٹوٹکے درج ذیل ہیں۔
ڈسپرین کی گولیاں صرف درد کا علاج ہی نہیں کرتیں بلکہ حسن نکھارنے میں بھی استعمال کی جاسکتی ہیں۔ 2 گولی ڈسپرین لیں اور ان کو پیس کر شیمپو میں مکس کریں اور بالوں پر شیمپو لگا کر کچھ دیر کے لئے چھوڑ دیں پھر سر دھو لیں۔
نہانے سے پہلے سر پر ایلو ویرا جیل لگا کر مساج کریں۔ ایلو ویرا جلد کو نمی دیتا ہے جس سے خشکی کا خاتمہ ہوتا ہے۔
نہانے کے بعد ایک لیموں نچوڑ کر ایک مگ پانی میں ملائیں اور سر اس سے کھنگال لیں۔ جراثیم کش اور اینٹی انفیکشن لیموں سر کی جلد سے خشکی کا خاتمہ کرے گا اور جلد کو صحت مند بنائے گا۔
زیتون اور ناریل کے تیل کا مساج بھی سر کی جلد کی خشکی دور کرنے کے لئے مفید ہے۔