ہر لڑکی کا خواب ہوتا ہے کہ وہ اپنی شادی پر بہت خوبصورت لگے اور جب دُلہن بنے تو اس پر بہت نور آئے، اس کے لئے لڑکیاں کئی طریقے بھی آزماتی ہیں، آج ہم آپ کو بتانے والے ہیں خاص دُلہن اُبٹن بنانے کا طریقہ جس کو اگر بنا کر آپ ابھی سے لگانا شروع کر دیں تو شادی تک آپ پا سکیں گی خوبصورت اور نکھرا ہوا چہرہ۔
دُلہن اُبٹن بنانے کا طریقہ
• دو کھانے کے چمچ ترمس کے بیج (لیوپِن بین) لیں، دو کھانے کے چمچ آنبہ ہلدی (مینگو جنجر) لیں، 2 کھانے کے چمچ ارجن کی چھال اور 2 کھانے کے چمچ چھوٹی چندن لیں۔
• ان تمام کو اچھی طرح پیس کر باریک پاؤڈر بنا کر چھان لیں اور ایک پیالے میں نکال لیں۔
• اب 8 سے 10 بادام کو گرینڈر میں ڈالیں اور ساتھ بنایا ہوا پاؤڈڑ ملا کر اسے پیس لیں اتنا پیسیں کہ بادام کا پاؤڈر بن جائے۔
• اگر آپ کی آئلی اسکن ہے تو اس کو پانی میں ملا کر چہرے اور جسم پر لگائیں۔
• اگر آپ کی جلد نارمل یا ڈرائی ہے تو اس میں ناریل کا تیل ملا کر چہرے اور جسم پر لگائیں۔
• اس سے چہرے کا مساج کریں پھر کچھ دیر لگا رہنے دیں اور دھو لیں۔
• پھر دیکھیں آپ کی شادی کے دن آپ کا چہرہ کیسے چمک اُٹھے گا۔