آج کل مارکیٹ میں کافی سارے ہیٹر، گیزر اور الیکٹرک چولہے آگئے ہیں اور سب کی اپنی اپنی خاصیت ہے، اور ہر کوئی اپنی حیثیت کے مطابق اسے خرید رہا ہے کیونکہ گیس تو اس ملک میں نہ ہونے کے برابر رہ گئی ہے۔ پہلے تھوڑی دیر کیلیئے گیس جاتی تھی اور اب تھوڑی دیر کیلیئے آتی ہے، ایسے میں عام عوام کہاں جائے؟ کچھ نہ کچھ متبادل تو تلاش کرنا ہی ہے کھانا بنانے کیلیئے۔

آج ہم آپ کو ایک ایسے چولہے کے بارے میں بتانے جارہے ہیں جو نہ ہی گیس سے چلتا ہے اور نہ ہی اسے استعمال کرنے میں آپ کی بجلی بہت ساری جاتی ہے۔ تو آئیے آپکو اسکے بارے میں مزید معلومات فراہم کرتے ہیں۔

کم بجلی لینے والا الیکٹرک چولہا:

۔ اس چولہے کی سب سے اچھی خوبی یہ ہے کہ، یہ ایک گھنٹہ چلنے پر صرف ایک یونٹ چارج کرتا ہے یعنی ایک گھنٹہ چولہا جلانے پر آپ کے صرف 15 سے 20 روپے خرچ ہونگے

۔ دوسری خاصیت یہ ہے کہ، اسکے ساتھ ایک میٹر دیا ہوا ہے جس میں آپ وولٹ اور یونٹ کی ریڈنگ دیکھ سکتے ہیں

۔ اسکے علاوہ یہ چولہا آٹومیٹک ہے یعنی جب یہ ضرورت سے زیادہ گرم ہوجاتا ہے تو خود بہ خود بند ہوجاتا ہے اور نارمل ہونے کے بعد خود ہی آن ہوجاتا ہے

۔ اس میں ناب بھی دیا گیا ہے جس سے آپ چولہے کو کم یا تیز بھی کرسکتے ہیں

۔ یہ چولہا سنگل بھی ملتا ہے اور ڈبل بھی، دونوں کی قیمتوں میں صرف ہزار روپے کا فرق ہے

۔ سنگل چولہے کی قیمت 3500 جبکہ ڈبل کی قیمت 4500 ہے

اس چولہے کے بارے میں مزید معلومات جاننے کیلیئے آپ نیچے دی گئی ویڈیو دیکھ سکتے ہیں۔