آج کل ہر کچن میں ایگزاسٹ فین موجود ہوتا کیونکہ کچن میں جمع ہونے والی چکنائی اور چولہے کا سارا دھواں دیواروں کو خراب کرنے کی وجہ بنتا ہے اسی وجہ سے ہم اپنی آسانی کے لئے ایگزاسٹ فین لگاتے ہیں تاکہ کچرا آسانی سے باہر نکل سکے۔
مگر کچن کی تمام تر گندگی اور آئل کی چکنائی ایگزاسٹ فین پر جم جاتی ہے جس سے یہ گندا ہوجاتا ہے اور اس پر چکنائی کی ایک موٹی سی تہہ جم جاتی ہے۔
آپ کا بھی ایگزاسٹ فین ایسا ہوگیا ہے تو منٹوں میں صاف کریں اس طریقے سے اور اپنے فین کو دوبارہ نئے جیسا بنائیں۔
ٹپ:
٭ ایک پیالے میں تھنر آئل نکال لیں ۔
٭ کاٹن کے کپڑے پر آئل لگائیں اور ایگزاسٹ فین کو رگڑیں تاکہ گندگی نکل جائے ۔
٭ جب چکنائی صاف ہوجائے تو فین کو گیلے کپڑے سے صاف کرلیں ۔
٭ تھنر آئل آپکو ویسے تو آسانی سے ہارڈ وئیر کی دکان پر مل جائے گا لیکن اگر نہ ملے تو اس کی جگہ سرکہ اور سوڈا بھی استعمال کرسکتے ہیں ۔
ضروری ٹپ:
٭ اگر آپ چاہتی ہیں کہ ایگزاسٹ فین دوبارہ گندا نہ ہو اور آپ کی محنت بھی نہ لگے تو اس کو صاف کرنے کے بعد اس پر المونیم فوائل چڑھا دیں۔
٭ آپکو جب بھی فین گندا لگے تو اس کی المونیم فوائل کو تبدیل کردیں۔
٭ محنت بھی کم ہوگی مگر صفائی آپ کی برقرار رہے گی،