عید سے قبل ہر عورت کی خواہش ہوتی ہے کہ پورا گھر صاف شفاف ہوجائے اور بالکل گندگی سے پاک ہوجائے۔
اب صفائی گھر کے فرش دیواروں، واش روم سنک ہر چیز کی ہوجاتی ہے مگر پنکھے کو اکثر خواتین بھول جاتی ہیں اور پھر پنکھا گھر کی صفائی کو منہ چڑاتا ہے جس سے گھر میں چمک نہیں آتی۔
تو اس عید پر سب سے پہلے اپنے پنکھوں اور ان کے پروں کی صفائی کرلیں کہیں ایسا نہ ہو کہ یہ پنکھے لٹکے لٹکے آپ کی صفائی کو دوبارہ منہ چڑائیں۔
ٹپ:
٭ ایک بالٹی میں نیم گرم پانی لیں اور اس میں تھوڑا سا سرف ڈال کر اچھی طرح جھاگ بنا لیں۔
٭ پھر اس میں لیموں کا رس اور سفید سرکہ ڈال کر اچھی طرح ملائیں۔
٭ اب اس محلول سے اپنے پنکھوں کو کپڑے یا تولیے کی مدد سے صاف کرلیں۔
٭ اس طریقے سے پنکھے بھی جلدی صاف ہوجائیں گے اور آپ کو زیادہ محنت بھی نہیں کرنی پڑے گی۔
٭ اور لیموں یا سرکہ پنکھے کا رنگ خراب بھی نہیں کریں گے بلکہ ان کو چمکا دیں گے۔
٭ لیجئیے پنکھے منٹوں میں صاف ہوگئے ہیں۔ تو عید پر کھائیں ان پنکھوں سے صاف اور ٹھنڈی ٹھنڈی تازہ ہوا۔