بالی وڈ کی مشہور ڈائریکٹر اور کوریوگرافر فرح خان کا کہنا ہے کہ ان کے تمام جاننے والوں میں فرح خان کا پلاؤ بہت مشہور ہے کیونکہ اس کو وہ بہت خاص طریقے سے بناتی ہیں۔ فرح نے اپنے مداحوں کے لئے پلاؤ بنا کر دکھایا جس کی ریسیپی ہم یہاں شئیر کررہے ہیں۔
ایک کلو مٹن یا پھر چکن کا گوشت لیں۔ 3 سے 4 عدد درمیانی پیاز چھیل کر کاٹ لیں۔ 2 عدد بڑے آلو چھیل کر 4 ٹکڑے کر لیں۔ ثابت گرم مصالحہ اور کشمیری مرچوں کو توڑ کر تازہ گرائینڈ کریں۔
اب ایک ککر میں تیل ڈالیں اور سفید زیرہ ڈال کر بھون لیں۔ ہری مرچیں اور کٹی ہوئی پیاز ڈال کر مزید بھونیں۔ ادرک لہسن کا پیسٹ ڈالیں اور مرغی ڈال کر بھونیں۔ اس میں پانی نہیں ڈالنا کیونکہ مرغی پانی خود چھوڑے گی۔ تازہ پسا ہوا گرم مصالحہ ڈالیں۔ نمک شامل کریں اور دو سیٹی آنے تک پکائیں۔
دو سیٹی کے بعد ککر کا ڈھکن کھولیں اور دھواں نکل جائے تو ڈیڑھ پیالی دھلے ہوئے چاول ککر میں ڈالیں، آلو ڈالیں اور پھینٹا ہوا دہی ڈال کر پکائیں اور ٤ سیٹی آنے تک پکنے دیں۔