سردی کے موسم میں رات کے وقت مچھلی کھانے کا دل بہت چاہتا ہے کیونکہ مچھلی جسم کے درجہ حرارت کو کنٹرول رکھتی ہے اور سردی کا احساس زیادہ نہیں ہونے دیتی ہے۔ خواتین بھی مچھلی کو دھو کر فریزر میں رکھ لیتی ہیں مگر کچھ روز بعد جب وہ ان کو نکالتی ہیں تو عجیب سی مہک آنے لگتی ہے یا پھر پکنے کے بعد اس کا ذائقہ تبدیل ہو جاتا ہے۔
آج وومن کارنر سے جانیں مچھلی کی بو ختم کرنے کی آسان ٹپ اور اسے دھونے کا ایسا طریقہ جو آپ کا بھی کام آسان کر دے۔
دھونے اور بُو ختم کرنے کا طریقہ:
٭ مچھلی کو سب سے پہلے ایک برتن میں رکھیں اور اس میں نمک اور سرکہ لگا کر آدھے گھنٹے کے لئے چھوڑ دیں۔
٭ جب مچھلی پانی چھوڑنے لگے تو اس میں آدھا چمچ بیکنگ پاؤڈر ڈال کر ڈھک دیں۔
٭ اس کے بعد آپ مچھلی کو پانی سے اچھی طرح دھو کر خُشک کر لیں اور پیکٹ بنا کر فریزر میں محفوظ کرلیں۔
اس طریقے سے مچھلی کی بُو بھی نکل جائے گی اور اس کے چھلکے بھی جلد اُتر جائیں گے۔