فریش کریم ہمارے کھانوں کے ذائقوں کو اچھا بنا دیتی ہے، مگر اس کی قیمت زیادہ ہونے کی وجہ سے ہر کوئی فریش کریم کو خریدنے سے گھبراتا ہے اور جو خواتین فروٹ چاٹ کے لئے بھی کریم استعمال کرتی ہیں، ان کا خرچہ بھی دگنا ہو جاتا ہے، ایسے میں ہم آپ کو آج بتا رہے ہیں فریش کریم کیسے گھر میں ہی بنائی جائے۔
وومن کارنر کی یہ ٹپ آپ کی روزمرہ کی بڑی مشکل آسان کرنے میں مدد دے گی، تو جانیں اور آزمائیں۔
ٹپ:
• ایک کلو دودھ کو اچھی طرح گرم کرلیں اور ا سکی بالائی الگ کرلیں۔
• پھر دودھ کو ٹھنڈا کرلیں اور ایک بار پھر اس کو ابالیں اور اوپر کی بالائی الگ کرلیں۔
• اس طرح جب تک دودھ مکمل طور پر بالائی نہ بن جائے اس کو پکاتے رہیں، ایک ساتھ پکا کر خشک نہ کریں کیونکہ اس طرح سے کریم کم بنے گی۔
• اب آپ الگ کی ہوئی تمام تر بالائی کو فریزر میں ایک سے دو گھنٹے کے لئے رکھ دیں۔
• پھر اس کو نکال کر بلینڈر کرلیں اور ساتھ ہی ایک چٹکی نمک شامل کرلیں۔ لیجئیے تیار ہے آپ کی فریش کریم گھر میں ہی وہ بھی بنا کیمیکل کی، تو جب چاہیں کریم بنائیں کھانوں کی لزت بڑھائیں۔