گھر میں الیکٹرونک کا سامان ہو اور اس میں مسئلے نہ ہو ایسا ہوسکتا ہے کیا؟ گھر میں موجود چیزوں میں آئے دن کوئی نہ کوئی مسئلہ آتا ہی رہتا ہے پھر ان کی مرمت میں پیسے لگاتے رہو بس۔ اسلیئے ہم آپ کیلیئے لاتے ہیں ایسی ٹپس جس سے آپ خود ہی گھر میں اپنے چھوٹے موٹے مسئلے حل کر سکیں اور بار بار کاریگر کو بلانے کی ضرورت نہ پڑے
عام طور پر فریج میں کافی مسئلے ہوتے رہتے ہیں جیسے کہ کولنگ صحیح سے نہ ہونا، کمپریسر کا ٹھیک سے کام نہ کرنا، جمی برف کا پگھلا ہوا پانی باہر نہ نکلنا یا فریج کا گرم ہوجانا، یہ سارے وہ مسئلے ہیں جو ہر کسی کو درپیش آتے ہیں۔ آج ہم آپ کو اس سے نمٹنے کا آسان حل بتائیں گے۔
فریج کی کولنگ
فریج کے پیچھے کمپریسر کے اوپر آپ کو پلاسٹک کی ایک ٹرے نظر آئے گی جس کا کام کمپریسر کو ٹھنڈا رکھنا ہوتا ہے، آپ نے کرنا یہ کہ فریج کے پیچھے لگی ٹرے میں ایک گلاس سادہ پانی ڈالنا ہے اس سے آپ کا فریج ٹھیک طرح سے کولنگ کرئے گا اور کمپریسر گرم بھی نہیں ہوگا۔ لیکن یاد رکھیں یہ کام کرتے وقت فریج کا بٹن بند کرکے تار نکال دینی ہے تاکہ غلطی سے بھی کرنٹ وغیرہ نہ لگے۔
فریزر میں جمی برف کا پانی نہ نکلنا
کمپریسر کے ساتھ ایک پائپ لگا ہوتا جو اوپر فریزر تک جاتا ہے جس سے فریزر کا پانی نیچے ٹرے میں آتا ہے، فریزر کے اندر اور ٹرے کے اوپر سوراخ ہوتے ہیں جس سے پانی آتا جاتا ہے اور جب تک یہ سلسلہ چلتا رہتا ہے آُپ کا فریج بھی ٹھیک رہتا ہے
اگر آپ کے فریزر کا پانی نیچے ٹرے میں نہیں آرہا تو اس کے لیئے آپ کو کرنا یہ ہے کہ ایک پتلی مسواک لینی ہے اور اسے پینسل چھیلنے والے شارپنر سے چھیل کے باریک نوک بنا لینی ہے۔ اب اس مسواک کو کیسے استعمال کرنا ہے اسے سمجھنے کیلیئے نیچے دی گئی ویڈیو دیکھیں تا کہ آپ سے کوئی غلطی نہ ہو