بکرا عید پہ جہاں خواتین فریج میں گوشت جمع کرتی ہیں وہیں فریج میں عجیب قسم کی بدبو بھی پیدا ہونے لگ جاتی ہے۔ ضروری نہیں کہ یہ بدبو صرف گوشت کی ہو بلکہ یہ دودھ، دہی یا مکھن وغیرہ کے زیادہ دن فریج میں رہ جانے کی وجہ سے بھی ہوسکتی ہے، یا پھر کوئی پھل سبزی خراب ہوجانے کے سبب۔ آج ہم آپکو اسی کے کچھ آسان حل بتائیں گے کہ فریج سے آنے والی بدبو کو کیسے دور کیا جائے۔
بدبو دور کرنے کے چند نسخے:
- ایک کپ سرکے میں ایک چمچ بیکنگ سوڈا شامل کرکے اسے اسپرے بوتل کی مدد سے فریج میں چاروں طرف اسپرے کریں اور آدھا گھنٹہ چھوڑ دیں، اسکے بعد صاف کپڑے سے اچھی طرح پونچ لیں۔ آپ کے فریج سے ہر طرح کی بدبو دور ہوجائے گی۔
۔ ایک بڑے لیموں کے دو ٹکڑے کرکے اس میں لانگ لگا کے فریج میں رکھ دینے سے بھی فریج میں آنے والی مہک دور ہوجائے گی۔
۔ استعمال شدہ ٹی بیگز کو خشک کرکے اسے فریج کے کسی کونے میں رکھنے سے بھی فائدہ ہوتا ہے۔
۔ لیموں کے گول گول سلائس کرکے اسے ایک پلیٹ یا پیالے میں ڈال کر فریج میں رکھنے سے بدبو ختم ہوجاتی ہے۔
۔ بیکنگ سوڈا جسے عام زبان میں کھانے کا سوڈا بھی کہتے ہیں اسے فریج میں رکھنے یا سبزی کے ڈبے میں رکھ دینے سے کسی بھی قسم کی مہک نہیں آتی فریج سے۔